اپوزیشن لیڈر عمر ایوب کی چوہدری پرویز الہٰی کو رہائی پر مبارکباد

اپوزیشن لیڈر عمر ایوب نے پاکستان تحریک انصاف (پی ٹی آئی) کے مرکزی صدر چوہدری پرویز الہٰی کو رہائی پر مبارکباد دی ہے۔ 

عمر ایوب نے کہا کہ پرویز الہٰی تقریباً ایک سال جیل میں گزارنے کے بعد گھر پہنچ گئے۔ 

انکا مزید کہنا تھا کہ چوہدری پرویز الہٰی، مونس الہٰی اور اہل خانہ کو دلی مبارکباد پیش کرتا ہوں۔ 

اپوزیشن لیڈر عمر ایوب نے کہا کہ پرویز الہٰی سمیت پورا خاندان بانی پی ٹی آئی کے ساتھ مضبوطی سےکھڑا رہا۔

انہوں نے کہا کہ چوہدری پرویز الہٰی نے اپنے اصولوں پر سمجھوتہ نہیں کیا۔