لیسکو کو تھری فیز اور سولر میٹرز کی قلت کا سامنا

لاہور الیکٹرک سپلائی کمپنی (لیسکو) کو تھری فیز اور سولر میٹرز کی قلت کا سامنا ہے۔

ذرائع کے مطابق صارفین کی بڑی تعداد رقم جمع کرا کر نئے کنکشن کی منتظر ہے، خراب اور جلے ہوئے میٹرز بھی تبدیل نہیں ہو پارہے۔

ذرائع کا کہنا ہے کہ لاہور الیکٹرک سپلائی کمپنی کو ہزاروں میٹرز کی فوری ضرورت ہے، میٹر خرابی پر صارفین کو ایوریج بل دیے جارہے ہیں۔

لیسکو حکام کے مطابق نئے میٹرز کا ٹینڈر جاری کردیا گیا ہے، جلد میٹرز مل جائیں گے، گرمی کی شدت کے باعث میٹر خراب ہونے کی شکایات بڑھی ہیں۔