پہلا ون ڈے، انگلینڈ ویمن ٹیم نے پاکستان کو 37 رنز سے ہرا دیا

انگلینڈ ویمن کرکٹ ٹیم نے پہلے ون ڈے میں پاکستان ویمن ٹیم کو 37 رنز سے ہرادیا۔

میچ میں انگلینڈ ویمن نے 9 وکٹ پر 243 رنز بنائے، ایلائس کیپسی نے 44، ایمی جونز نے 37 اور ٹیمی بیماؤنٹ نے 33 رنز اسکور کیے۔

پاکستان کی ندا ڈار نے 3، عالیہ ریاض، نشرہ سندھو اور اُم ہانی نے دو، دو وکٹیں حاصل کیں۔

قومی ویمن ٹیم نے ہدف کے تعاقب میں 9 وکٹ پر 206 رنز اسکور کیے،  منیبہ علی نے 34، صدف شمس نے 28، ندا ڈار اور ناجیہ علوی نے 26، 26 رنز اسکور کیے۔

انگلینڈ کی ایکلیسٹون نے 3، چارلی ڈین، لارین بیل اور کیٹ کراس نے 2، 2 کھلاڑیوں کو پویلین کی راہ دکھائی۔

واضح رہے کہ تین میچوں پر مشتمل سیریز میں انگلینڈ کو ایک صفر کی برتری حاصل ہوگئی ہے۔