کراچی، داماد کی فائرنگ سے سسر قتل

کراچی کے علاقے فیڈرل بی ایریا بلاک 17 میں داماد نے جھگڑے کے دوران فائرنگ کرکے سسر کو قتل کردیا۔

پولیس کے مطابق گھریلو جھگڑے پر داماد نے سسر پر فائرنگ کی، متوفی کی شناخت حسنین مرزا کے نام سے ہوئی ہے۔

پولیس کا بتانا ہے کہ فائرنگ سے زخمی حسنین کو عباسی شہید اسپتال منتقل کیا گیا تاہم زخموں کی تاب نہ لاتے ہوئے زخمی اسپتال میں دم توڑ گیا۔

پولیس کا کہنا ہے کہ فائرنگ کرنے والا ملزم داماد موقع سے فرار ہوگیا جس کی تلاش جاری ہے۔