• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ کے کئی شہروں میں درجہ حرارت 50 ڈگری سے اوپر چلا گیا

تازہ ترین
قومی خبریں
29 مئی ، 2024
سندھ کے کئی شہروں میں درجہ حرارت 50 ڈگری سے اوپر چلا گیا

ملک کے بیشتر شہروں میں گرمی کی شدید لہر جاری ہے۔

محکمہ موسمیات کے مطابق دادو اور موہن جو دڑو میں درجہ حرارت 51 ڈگری سینٹی گریڈ ریکارڈ کیا گیا ہے جبکہ نواب شاہ، سبی اور سکھر میں درجہ حرارت 50 ڈگری سینٹی گریڈ ریکارڈ کیا گیا ہے۔

بہاولپور میں 49، ڈی جی خان، ملتان اور ڈی آئی خان میں درجہ حرارت 48 ڈگری سینٹی گریڈ ریکارڈ کیا گیا ہے۔

کراچی میں آج پارہ 42 ڈگری سے تجاوز کر سکتا ہے

کراچی میں آج اور اگلے دو دن کے دوران مزید گرمی بڑھنے کا امکان ہے۔

محکمہ موسمیات کے مطابق تربت، سرگودھا، ساہیوال اور فیصل آباد میں درجہ حرارت 47 جبکہ حیدرآباد اور جہلم میں درجہ حرارت 46 ڈگری سینٹی گریڈ ریکارڈ کیا گیا ہے۔

بنوں اور مٹھی میں 45 جبکہ چکوال میں درجہ حرارت 44 سینٹی گریڈ ریکارڈ ہوا ہے۔

محکمہ موسمیات کے مطابق کراچی میں اگلے تین روز کے دوران بھی درجہ حرارت 41 ڈگری تک جانے اور 44 ڈگری جیسی گرمی محسوس کیے جانے کا امکان ہے۔

محکمہ موسمیات نے شام یا رات میں لاہور، راولپنڈی، اسلام آباد، گوجرانوالہ اور سرگودھا میں آندھی اور بارش کی پیش گوئی کی ہے جبکہ بالائی خیبرپختونخوا، کشمیر اور گلگت بلتستان میں بھی چند مقامات پر بارش کا امکان ظاہر کیا گیا ہے۔

قومی خبریں سے مزید