سندھ کے ضلع خیرپور میں فیض آباد ریلوے پھاٹک کے قریب ریلوے ٹریک پر کریکر بم دھماکا ہوا جس سے ریلوے لائن کو معمولی نقصان پہنچا ہے۔
پولیس کے مطابق ایک ملزم کو گرفتار کرکے دھماکا خیز مواد برآمد کرلیا گیا ہے جبکہ دوسرے ملزم کی تلاش جاری ہے۔
پولیس کا کہنا ہے کہ دھماکے کے بعد ٹرینوں کو مختلف مقامات پر روک دیا گیا ہے، ٹریک کی بحالی کا کام جاری ہے۔
پولیس کے مطابق ملزمان نے کراچی سے پنجاب جانے والی پاکستان ایکسپریس کو نشانہ بنانے کی کوشش کی۔