ٹرمپ کو مجرم قرار دیا جانا قانون کی فتح ہے، جوبائیڈن

امریکا کے صدر جوبائیڈن نے سابق صدر ڈونلڈ ٹرمپ کو جیوری کی جانب سے مجرم قرار دیا جانا قانون کی فتح قرار دیدیا۔ 

اپنے بیان میں انہوں نے کہا کہ جیوری کے فیصلے کا احترام کیا جانا چاہیے۔

قبل ازیں سابق صدر ٹرمپ کا کہنا تھا کہ بائیڈن کا امریکا فاشسٹ ریاست بن چکا ہے۔

ڈونلڈ ٹرمپ سزا کے بعد بھی صدارتی انتخاب لڑ سکتے ہیں؟

سابق امریکی صدر ڈونلڈ ٹرمپ کو کاروباری ریکارڈ میں جعلسازی پر مجرم ٹھرا دیا گیا ہے اور ایسا امریکا کی تاریخ میں پہلی بار ہوا ہے کہ کسی سابق صدر کو سزا سنائی گئی ہو۔

دوسری جانب ڈونلڈ ٹرمپ کے حامیوں نے فیصلے کے خلاف احتجاج کرتے ہوئے امریکی پرچم کو الٹا لہرا دیا۔

واضح رہے کہ امریکا کے سابق صدر ڈونلڈ ٹرمپ کو فحش فلموں کی اداکارہ اسٹارمی ڈینئلز سے جنسی تعلق چھپانے کے مقدمے میں جیوری نے تمام 34 الزامات میں قصور وار قرار دیا ہے۔