فرمان الہی
نماز کے اوقات
گلشن اقبال کراچی میں ڈکیتی واردات پر گزشتہ روز قتل ہونے والے نوجوان کے کیس کی تفتیش اسپیشل انویسٹی گیشن یونٹ (ایس آئی یو) منتقل کردی گئی۔
تفتیشی حکام کے مطابق جائے وقوع اور اطراف کی جیو فینسنگ مکمل کرلی اور رپورٹ حکام کو ارسال کردی گئی۔
تفتیشی حکام کے مطابق نوجوان سے چھیننے گئے موبائل فون کا انٹرنیشنل موبائل ایکوپمنٹ آئیڈنٹٹی (آئی ایم ای آئی) نمبر سسٹم پر ڈال دیا گیا ہے۔
حکام کے مطابق چھینے گئے موبائل میں کوئی بھی سم ڈالتے ہی لوکیشن کے ذریعے مدد مل سکتی ہے۔
تفتیشی حکام کے مطابق قتل کے واقعے کی اب تک موصول ہونے والی سی سی ٹی وی فوٹیجز واضح نہیں ہیں۔
حکام کے مطابق کرائم ریکارڈ سے ملزمان کے چہرے شناخت کرنے کی کوشش کی جارہی ہے۔
