فرمان الہی
نماز کے اوقات
لاہور کے علاقے سبزہ زار میں باپ کے تشدد سے بیٹے کی ہلاکت کے مقدے کی تفتیش میں پیشرفت سامنے آئی ہے، تین سال کے ارشمان کا قاتل اس کا سوتیلا باپ نکلا۔
پولیس کے مطابق والدہ نے بیان ریکارڈ کروادیا اور کہا کہ ملزم خبیب الرحمان میرے بیٹے کا سوتیلا باپ ہے، ملزم کے ساتھ دوسری شادی ہے۔ دونوں بچے ارشمان اور زمل پہلے شوہر سے ہیں۔
متاثرہ والدہ نے مزید کہا کہ ملزم خبیب الرحمان میری اولاد کو پسند نہیں کرتا تھا۔ اپنا رشتہ بچانے کےلیے پہلے خاموش رہی۔
خاتون نے بتایا کہ بیٹے ارشمان کو میرے شوہر خبیب نے تشدد کر کے قتل کیا، سر پرڈنڈوں کے وار سے ننھے ارشمان کی دماغ کی ہڈی ٹوٹ گئی۔
اس کا کہنا تھا کہ ملزم کا ننھے ارشمان کو دانتوں سے کاٹ کر تشدد کرنا معمول تھا۔
پولیس کا کہنا ہے کہ بچے کی والدہ کے بیان کے بعد اب کیس کا مدعی والدہ کو بنایا جائے گا۔ پہلے مقدمہ کا مدعی کرایہ دار تھا۔
