دنیا بھر سے 15 لاکھ سے زائد عازمین حج کرینگے

دنیا بھر سے 15 لاکھ سے زائد عازمینِ حج سعودی عرب پہنچے ہیں جو فریضۂ حج 1445 ہجری ادا کریں گے۔

اس سال تقریباً 4 لاکھ سعودی عرب کے مقامی عازمین جبکہ 1 لاکھ 60 ہزار پاکستانی عازمین فریضۂ حج ادا کریں گے۔

پہلا مرحلہ آج سے شروع

مناسک حج آج شروع ہوگا، وقوف عرفہ ہفتے کو ادا کیا جائے گا

مکہ مکرمہ مناسک حج کی ادائیگی کا عمل آج سے شروع...

حج کے مناسک کی ادائیگی کا پہلہ مرحلہ آج سے باقاعدہ شروع ہو جائے گا۔

عازمینِ حج مناسکِ حج کی ادائیگی کے لیے سب سے پہلے بیت اللّٰہ شریف کا طواف کرتے ہیں جسے طوافِ قدوم کہا جاتا ہے، جس کے بعد حجاج کرام منیٰ پہنچتے ہیں۔

دنیا بھر سے آئے عازمینِ حج منیٰ روانہ ہونے کے لیے تیار ہیں، عازمین کی منیٰ روانگی کا عمل آج جاری رہے گا۔

گرمی سے بچنے کے لیے بیشتر عازمینِ حج کو جمعرات اور جمعے کی درمیانی شب بسوں کے ذریعے وادیٔ منیٰ پہنچا دیا گیا۔

حجاج 12 ہزار بسوں سے منیٰ پہنچیں گے

حجاج کرام کو 12 ہزار سے زائد بسوں کے ذریعے منیٰ پہنچایا جائے گا۔

بے شمار حجاجِ کرام بیت اللّٰہ سے پیدل سفر کر کے بھی منیٰ کی خیمہ بستی پہنچیں گے۔

آج (جمعے کے روز) بیشتر عازمینِ حج وادیٔ منیٰ میں قیام کریں گے اور فجر، ظہر، عصر، مغرب اور عشاء کی نمازیں ادا کریں گے۔

وقوفِ عرفہ کل (ہفتے کو) ادا کیا جائے گا۔