منیٰ میں خدمت پر مامور سعودی اعلیٰ عہدیدار انتقال کر گئے

سعودی عرب کی وزارتِ صحت کے اعلیٰ عہدے دار مشاعرِ مقدسہ میں دورانِ ڈیوٹی انتقال کر گئے۔

انتقال کر جانے والے سعودی وزارتِ صحت کے اعلیٰ عہدیدار عبد اللّٰہ الحارثی منیٰ میں حجاج کرام کی خدمت پر مامور تھے۔

مناسکِ حج کا پہلہ مرحلہ آج سے شروع

دوسری جانب حج کے مناسک کی ادائیگی کا پہلہ مرحلہ آج سے باقاعدہ شروع ہو جائے گا۔

دنیا بھر سے 15 لاکھ سے زائد عازمینِ حج سعودی عرب پہنچے ہیں جو فریضۂ حج 1445 ہجری ادا کریں گے۔

اس سال تقریباً 4 لاکھ سعودی عرب کے مقامی عازمین،1 لاکھ 60 ہزار پاکستانی عازمین فریضۂ حج ادا کریں گے۔

دنیا بھر سے آئے عازمینِ حج منی روانہ ہونے کے لیے تیار ہیں، عازمین کی منیٰ روانگی کا عمل آج جاری رہے گا۔

عازمینِ حج مناسکِ حج کی ادائیگی کے لیے سب سے پہلے بیت اللّٰہ شریف کا طواف کرتے ہیں جسے طوافِ قدوم کہا جاتا ہے، جس کے بعد حجاج کرام منیٰ پہنچتے ہیں۔

دنیا بھر سے آئے عازمینِ حج منیٰ روانہ ہونے کے لیے تیار ہیں، عازمین کی منیٰ روانگی کا عمل آج جاری رہے گا۔

گرمی سے بچنے کے لیے بیشتر عازمینِ حج کو جمعرات اور جمعے کی درمیانی شب بسوں کے ذریعے وادیٔ منیٰ پہنچا دیا گیا۔

حجاج 12 ہزار بسوں سے منیٰ پہنچیں گے

حجاج کرام کو 12 ہزار سے زائد بسوں کے ذریعے منیٰ پہنچایا جائے گا۔

بے شمار حجاجِ کرام بیت اللّٰہ سے پیدل سفر کر کے بھی منیٰ کی خیمہ بستی پہنچیں گے۔

آج (جمعے کے روز) بیشتر عازمینِ حج وادیٔ منیٰ میں قیام کریں گے اور فجر، ظہر، عصر، مغرب اور عشاء کی نمازیں ادا کریں گے۔

وقوفِ عرفہ کل (ہفتے کو) ادا کیا جائے گا۔