لندن ( جنگ نیوز) ومبلڈن چیمپئن شپ کا اختتام جہاں سرینا اور مر ے کیلئے شاندار رہا وہیں سلواکیہ کی ٹینس اسٹار ڈومنیکا سبلکووا اور سربیا کی اینا ایوانووک بھی خوشیوں کے رنگ میں رنگ گئیں۔ تفصیلات کے مطابق سلواکیہ سے تعلق رکھنے والی ٹینس اسٹار ڈومنیکا سبلکوا نے بھی اپنے انجینیئرمنگیتر جمی چو سے شادی رچا لی۔ سبلکووا کو گزشتہ دنوں ہونے والے گرینڈ سلم ایونٹ ومبلڈن میں ایلینا ویسنینا کے ہاتھوں کوارٹر فائنل میں شکست ہوئی تھی ۔ یاد رہے کہ سبلکوا کی شادی 9 جولائی کو طے پائی تھی جو ایک اتفاق ہے کیونکہ اسی دن ومبلڈن کا فائنل بھی تھا ۔ 27 سالہ ٹینس پلئیر کوارٹر فائنل میں ہارنے کے بعد ٹورنامنٹ سے باہر ہو گئیں تھیں ۔ جس کے بعد ان کی ساری توجہ اپنی شادی پر مرکوز ہو گئی تھی ۔دوسری جانب سربیا کی اینا ایوانوک نے بھی مانچسٹر یونائیٹڈ کے فٹبالر شوان اسٹائیگر کیساتھ گزشتہ روز رشتہ ازدواج میں منسلک ہوگئیں ۔ شادی کی تقریب اٹلی کے شہر وینس میں منعقد کی گئی ۔ تقریب میں دونوں کے قریبی دوستوں اور رشتوں داروں نے شرکت کی ۔
فرمان الہی
نماز کے اوقات
