کراچی(اسٹاف رپورٹر) ہاکی کلب آف پاکستان اسٹیڈیم کو معروف سماجی رہنما عبد الستار ایدھی سے منسوب کر نے کے لئے ہاکی کلب میں ایک بڑی تقریب کا انعقاد کیا جائے گا، پی ایچ ایف کے ذرائع کا کہنا ہے کہ اس سلسلے میں امکان ہے کہ اس ماہ کے آخر یا اگلے ماہ کے اوائل میں تقریب کا انعقاد کیا جائے گا جس میں ہاکی کلب کو ایدھی سے منسوب کرنے کے لئے تختی کشائی کی جائے گی۔ دریں اثناء سابق اولمپئن شہناز شیخ نے عبدالستار ایدھی کی وفات پر دکھ اور افسوس کا اظہار کیا ہے اور دعا کی ہے کہ اللہ تعالیٰ مرحوم کو اپنے جوار رحمت میں جگہ دے اور لواحقین کو صبر جمیل عطا فرمائے، شہناز شیخ نے کہا کہ نامور عالمی شہرت یافتہ سماجی کارکن عبدالستار ایدھی کی خدمات کو شاندار الفاظ ہمیشہ یاد رکھا جائے گا۔ سابق ہاکی کپتان منصور احمد نے بھی ان کی خدمات کو ناقابل فراموش اور قوم کیلئے مثال قرار دیا ہے۔
فرمان الہی
نماز کے اوقات
