ویرات کوہلی بڑے میچ کے بڑے کھلاڑی ثابت ہوئے

بھارتی کرکٹ ٹیم کے اسٹائلش بیٹر ویرات کوہلی بڑے میچ کے بڑے کھلاڑی ثابت ہوئے، پورے ٹورنامنٹ میں فیل ہونے کے بعد فائنل میں اپنا رنگ جما دیا۔

ویرات کوہلی نے 59 گیندوں پر 2 چھکوں اور 6 چوکوں کی مدد سے 76 رنز بنائے، اکشر پٹیل نے 31 گیندوں پر 47 رنز بنا کر ویرات کوہلی کا خوب ساتھ نبھایا۔

ویرات کوہلی کا ٹی20 انٹرنیشنلز سے ریٹائرمنٹ کا اعلان

واضح رہے کہ ویرات کوہلی ٹی ٹوئنٹی ورلڈکپ کی تاریخ میں سب سے زیادہ 1292 رنز بنانے والے بلے باز ہیں۔

بھارت نے اسٹار بیٹر ویرات کوہلی کی عمدہ بیٹنگ کی بدولت جنوبی افریقہ کو جیت کیلئے 177 رنز کا ہدف دیا۔ جس کے تعاقب میں جنوبی افریقی ٹیم 8 وکٹوں پر 169 رنز بنا سکی۔

اس طرح  ٹی ٹوئنٹی ورلڈ کپ 2024 کے فائنل میں بھارت نے جنوبی افریقہ کو شکست دے کر 17 سال بعد ٹائٹل جیت لیا۔