• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چینی خلائی راکٹ حادثاتی طور پر لانچ ہونے کے بعد تباہ

تازہ ترین
بین الاقوامی خبریں
02 جولائی ، 2024


چین میں خلائی راکٹ حادثاتی طور پر ٹیسٹ کے دوران خود بخود لانچ ہونے کے بعد فضا میں کچھ دیر آگے بڑھنے کے بعد گر کر تباہ ہوگیا۔

غیرملکی میڈیا کے مطابق یہ راکٹ ایک نجی چینی کمپنی کا تھا جو کہ اتوار کو چینی صوبے ہینان کے پہاڑی علاقے میں گر کر تباہ ہوا۔

چینی کمپنی کی جانب سے بیان میں تکنیکی خرابی کو حادثے کی وجہ بتایا گیا ہے۔

کمپنی نے بیان میں کہا ہے کہ کمپیوٹر خود بخود بند ہوگیا تھا اور راکٹ ٹیسٹ بینچ کے جنوب مغرب میں 1.5 کلومیٹر دور ایک پہاڑ میں گرا۔ اس واقعے میں کوئی جانی نقصان نہیں ہوا۔

غیرملکی میڈیا کے مطابق تباہ ہونے والا (Tianlong-3) راکٹ چین کے سیٹلائٹ انٹرنیٹ نیٹ ورک کی تعمیر میں مدد کے لیے بنایا گیا تھا۔

بین الاقوامی خبریں سے مزید