عامر خان کی پرانی عادت ہے وہ میرے واڈروب میں چیزوں پر نشان لگاتے ہیں، عمران خان

04 جولائی ، 2024

بالی ووڈ سپر اسٹار عامر خان کے بھانجے عمران خان کا کہنا ہے کہ انکے ماموں کی پرانی عادت ہے کہ وہ ان کے واڈروب میں چیزوں پر نشان لگاتے ہیں۔

عمران خان نے یہ بات ٹاک شو 'بی اے مین یار' کے دوسرے سیزن کے ٹریلر میں کہی۔ وہ دیگر سلیبریٹیز کے ساتھ ہوسٹ میں شامل ہیں۔

انکے علاوہ اس میں کارتک آریان، جاوید اختر، بومن ایرانی اور دیگر بھی شامل ہیں۔

اس موقع پر عمران خان کا مزید کہنا تھا کہ آپ اس آدمی کی کسطرح عزت کرینگے جو کماتا نہیں ہے، جو اٹھ کر کام پر نہیں جاتا۔ وہ شخص جو صرف صوفے پر پڑے اپنی محسوسات پر چلاتا رہے۔

پروگرام کے میزبان نکھیل تنیجا نے اپنے ایکس( سابقہ ٹوئٹر) پر ٹریلر کو شیئر کیا ہے۔ جس سے پرستاروں کو پروگرام میں شامل سلیبریٹیز کی فہرست دیکھنے کا موقع ملے گا۔

عمران خان مسٹر پرفیکشنسٹ عامر خان کے بھانجے ہیں۔ انہوں نے عامر خان کی مشہور فلموں، منصور خان کی رومانٹک فلم قیامت سے قیامت تک اور جو جیتا وہی سکندر میں ان کے بچپن کا کردار ادا کیا تھا۔

عمران خان کی بطور لیڈ رول پہلی فلم ’جانے تو یا جانے نا‘ ہے، جس میں ان کے ساتھ جینیلیا ڈی سوزا نے مرکزی کردار ادا کیا تھا۔

انٹرٹینمنٹ سے مزید