جماعت اسلامی کے امیر سراج الحق نے کہا ہے کہ جب کراچی آؤوہی لوڈشیڈنگ، و ہی گندگی اور وہی موئنجودڑوکا نقشہ پیش کرتا ہوا کراچی ملتا ہے۔
ان کا کہناہے کہ 21دن گزر جانے کےبعد بھی امجد صابری کے قاتل گرفتار نہیں ہوسکے تو دوسری جانب شہر کو گندگی ڈھیر بنادیا گیا ہے۔
امیر جماعت اسلامی سینیٹر سراج الحق امجد صابری کے گھر اہلخانہ سے تعزیت کے لیے پہنچے، انہوں نے امجد صابری کے بھائی ثروت صابری سے تعزیت اور مرحوم کیلئے کے فاتحہ خوانی کی، اس موقع پر میڈیا سے گفتگو میں سراج الحق نے کہا کہ امجدصابری 20کروڑ عوام کی پہچان تھے اورآج 21دن ہوگئے ان قاتل گرفتار نہیں کیے جاسکے۔
امیر جماعت اسلامی کا کہنا تھا کہ روز قتل ہوتاہے، حکومتی اعلانات روزانہ ہوتے ہیں، یہاں نہ مزدور کو معاف کیا گیا، نہ عالم کو معاف کیا گیا،ہر ایک کاخون بہایا گیا،حکومت نے کسی ملزم کو پکڑ کر پھانسی نہیں دی۔
انہوں نے مزید کہا کہ شہر کو گندگی کا ڈھیر بنادیا گیا ہے اور نہ تو کراچی میں حکومت ہے اور نہ سندھ میں حکومت ہے،شہر کھنڈر بنتا جارہاہے۔
امجد صابری کے بڑے بھائی ثروت صابری نے سراج الحق اور دیگر کا آمد پر شکریہ ادا کیا۔
فرمان الہی
نماز کے اوقات
