چیئرمین پی سی بی نے مشاورت کیلئے کیوں نہیں بلایا؟ توصیف احمد نے بتادیا

سابق ٹیسٹ کرکٹر توصیف احمد نے چیئرمین پاکستان کرکٹ بورڈ (پی سی بی) محسن نقوی کی جانب سے مشاورت کےلیے نہ بلائے جانے کی وجہ بتادی۔ 

جیو نیوز کے پروگرام ’اسکور‘ میں گفتگو کرتے ہوئے توصیف احمد کا کہنا تھا کہ چیئرمین پی سی بی نے سابق کرکٹرز کو مشاورت کےلیے بلا کر احسن اقدام کیا۔

18 اپریل پاکستان کرکٹ کا تاریخ ساز دن ہے، توصیف احمد

توصیف احمد نے بتایا کہ میرے پاس منظور الہٰی کا بیٹ تھا جس سے وہ یادگار رن حاصل کیا تھا، میچ کہیں سے بھی ہم جیت نہیں رہے تھے، ڈریسنگ روم میں جاوید میانداد کی کافی پذیرائی ہورہی تھی۔

انکا کہنا تھا کہ مجھے نہ بلانے کی ایک ہی وجہ ڈائریکٹر ڈومیسٹک خرم نیازی ہیں۔ ماضی میں اسلام آباد کرکٹ کی سلیکشن پر خرم نیازی نے مجھے شوکاز بھیجا تھا۔ 

توصیف احمد نے کہا کہ سلیکشن کے معاملات ایمانداری سے دیکھے اور بورڈ کو شوکاز کا تفصیلی جواب دے چکا ہوں۔