فرمان الہی
نماز کے اوقات
غزہ سے متصل تل الحوا کے علاقے پر اسرائیلی فوج کے حملے میں مزید 30 فلسطینی شہید ہو گئے۔
سول ڈیفنس غزہ نے تل الحوا میں اسرائیلی حملوں کی تصدیق کی ہے۔
اقوامِ متحدہ کے ترجمان کا کہنا ہے کہ اسرائیل کا غزہ شہر کا مکمل انخلاء کا حکم بڑے پیمانے پر مصائب کا سبب بن رہا ہے۔
غزہ کی وزارتِ داخلہ نے اسرائیل کے انخلاء کے احکامات کو شہریوں کے خلاف ’نفسیاتی جنگ‘ کی ایک شکل قرار دیا ہے۔
دوسری جانب قطر کے درالحکومت دوحہ میں اسرائیل حماس جنگ بندی کے لیے مذاکرات جاری ہیں، تاہم 9 ماہ سے جاری جنگ کے خاتمے کی کوششیں اسرائیلی حملوں کی وجہ سے رکاوٹ کا شکار ہیں۔
غزہ میں اسرائیلی حملوں میں اقوام متحدہ کی تنصیبات اور اسکولوں کو نشانہ بنایا جا رہا ہے۔
گزشتہ برس 7 اکتوبر سے غزہ پر اسرائیلی جنگ میں اب تک 38 ہزار 295 افراد شہید، 88 ہزار 241 زخمی ہو چکے ہیں۔
