پولیس کے شہداء کی قربانیاں رائیگاں نہیں جائیں گی: بلاول بھٹو زرداری

پاکستان پیپلز پارٹی کے چیئرمین بلاول بھٹو زرداری نے کہا کہ پولیس کے شہداء کی قربانیاں رائیگاں نہیں جائیں گی۔

بلاول بھٹو زرداری نے بھی یومِ شہدائے پولیس پر اپنا خصوصی پیغام جاری کیا ہے۔

اُنہوں نے کہا کہ فرائض کی ادائیگی کی خاطر جانیں قربان کرنے والے پولیس کے شہداء کو خراجِ عقیدت پیش کرتے ہیں، پولیس کے شہداء کی غیر متزلزل لگن اور بےلوث خدمات ان کے عزم کی آئینہ دار ہیں۔ 

چیئرمین پیپلز پارٹی نے کہا کہ قانون کی حکمرانی اور شہریوں کی حفاظت کے لیے پولیس کے شہداء کی قربانیاں بےمثال ہیں۔

اُنہوں نے مزید کہا کہ چاروں صوبوں کے پولیس اہلکاروں نے دہشت گردی کے خلاف جواں مردی سے جنگ لڑی ہے۔