قطر مصر، امریکا کی غزہ میں سیزفائر مذاکرات کی تجویز پر اسرائیل نے ہامی بھرلی

قطر مصر اور امریکا نے حماس اور اسرائيل کو جنگ بندی کےلیے مذاکرات کی تجویز دے دی، اسرائیلی وزیراعظم نے ہامی بھرلی۔

قطر، مصر اور امریکا کی جانب سے دی گئی تجویز پر اسرائیلی وزیراعظم نیتن یاہو نے کہا کہ 15 اگست کو مذاکرات میں شرکت کریں گے، جبکہ جنگ بندی کیلئے مذکرات کی تجویز پر حماس نے تبصرہ نہیں کیا۔

اسرائیلی فوج کا لبنان میں چلتی گاڑی پر حملہ، 2 افراد شہید

عرب میڈیا کے مطابق ابتدائی اطلاعات کے مطابق ڈرون حملے میں 2 افراد شہید ہوگئے، ڈرون حملے میں شہید ہونے والوں کا تعلق حماس سے بتایا جا رہا ہے۔

تینوں ملکوں کے مشترکا بیان میں کہا گيا ہے کہ 15 اگست سے مذاکرات شروع کریں، جو دوحہ یا قاہرہ میں ہوسکتے ہيں، اب کسی فریق کی طرف سے عذر پیش کرنے کی ضرورت نہیں۔

دریں اثناء غزہ میں گذشتہ 24  گھنٹوں میں اسرائیلی فوج نے مزيد 8 شہریوں کو شہید کردیا۔

دوسری جانب ممکنہ ایرانی جوابی کارروائی کے پیش نظر امریکا کے لڑاکا طیار ے بھی خطے میں پہنچا دیے گئے ہیں۔