گولڈ میڈلسٹ نوح بٹ نے سپورٹ نہ ملنے کا شکوہ کردیا

کامن ویلتھ گیمز کے گولڈ میڈلسٹ نوح دستگیربٹ نے اداروں کی سپورٹ نہ ملنے کا شکوہ کردیا۔

جیو نیوز کے پروگرام ’نیا پاکستان‘ میں گفتگو کے دوران نوح بٹ نے کہا کہ ساری محنت اُن کے والد کی تھی مگر فیڈریشن چاہتی ہے کہ میں ان کی بڑائی بیان کرتا رہوں۔

انہوں نے مزید کہا کہ ویٹ لفٹنگ فیڈریشن ذاتی رنجش کی وجہ سے نہیں چاہتی تھی کہ میں اولمپکس کےلیے کوالیفائی کروں۔

نوح دستگیر بٹ نے یہ بھی کہا کہ کامن ویلتھ گیمز جیتنے کے بعد انہیں سہولیات دی گئیں، اس سے پہلے کچھ نہیں ملا۔