• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بانیٔ پی ٹی آئی کی سہولت کاری، مزید جیل افسران سے پوچھ گچھ شروع

SD
شبیر ڈار
تازہ ترین
قومی خبریں
15 اگست ، 2024
—فائل فوٹو
—فائل فوٹو

بانیٔ پی ٹی آئی کی سہولت کاری کرنے والے راولپنڈی کی اڈیالہ جیل کے سابق ڈپٹی سپرنٹنڈنٹ کا نیٹ ورک پکڑا گیا ہے۔

ذرائع نے بتایا ہے کہ اس ضمن میں اڈیالہ جیل کے مزید 2 افسران سے پوچھ گچھ شروع کر دی گئی۔

دیگر 2 افسران میں اڈیالہ جیل کے سابق ڈپٹی سپرنٹنڈنٹ ظفر اور اسسٹنٹ ناظم شامل ہیں، یہ دونوں افسران سابق ڈپٹی سپرنٹنڈنٹ اڈیالہ جیل اکرم کے قریب رہائش پزیر تھے۔

بانیٔ پی ٹی آئی کی مبینہ سہولت کاری، جیل افسران و اہلکاروں کی کڑی نگرانی کا فیصلہ

راولپنڈی کی اڈیالہ جیل کے افسران کی جانب سے بانیٔ پی ٹی آئی کی مبینہ سہولت کاری کا معاملہ سامنے آنے پر عمران خان کے سیل کی سیکیورٹی پر تعینات اہلکاروں کی کڑی نگرانی کرنے کا فیصلہ کیا گیا ہے۔

ڈپٹی سپرنٹنڈنٹ اکرم سے حاصل ہوئی معلومات پر مزید 6 ملازمین سے پوچھ گچھ کی جائے گی، جن میں محمد اکرم کے 2 اردلی،3 وارڈر اور ہیڈ وارڈر شامل ہیں۔

ذرائع کے مطابق یہ تمام ملازمین محمد اکرم کے قریبی تصور کیے جاتے ہیں۔

ملزمان سے 3 یورپی ممالک کے نمبرز پر واٹس ایپ کے استعمال کے شواہد بھی مل گئے ہیں۔

اکرم پی ٹی آئی رہنما ذلفی بخاری اور ایک سابق صوبائی وزیر کے قریب سمجھے جاتے ہیں، محمد اکرم پر بانیٔ پی ٹی آئی کے لیے پیغام رسانی اور سہولت کاری کا الزام ہے۔

ڈپٹی سپرنٹنڈنٹ محمد اکرم مجموعی طور پر15 سال سے زائد عرصہ اڈیالہ جیل میں تعینات رہے۔

ذرائع نے یہ بھی بتایا ہے کہ بانیٔ پی ٹی آئی کو خلافِ ضابطہ سہولتیں دینے پر جیل انتظامیہ کی آج میٹنگ ہونے کا امکان ہے۔

قومی خبریں سے مزید