مہیڑ: 1 لاکھ روپے کے عوض زبردستی شادی کروانے پر بہن اپنے بھائی کیخلاف عدالت پہنچ گئی

میہڑ میں ایک لاکھ روپے کے عوض زبردستی شادی کروانے کے خلاف بہن اپنے بھائی کے خلاف عدالت پہنچ گئی۔

میہڑ میں زبردستی شادی کروانے پر خاتون نے  اپنے بھائی کے خلاف عدالت میں درخواست دائر کی ہے، جس میں کہا گیا کہ میں 6 بچوں کی ماں اور طلاق یافتہ ہوں، بھائی کے گھر پناہ لی تھی۔

خاتون نے کہا کہ بھائی ایک لاکھ روپے کے عوض زبردستی میری شادی کروانا چاہتا ہے، اے سیکشن پولیس تحفظ دینے کو تیار نہیں ہے۔

زبردستی شادی کروانے کی خاتون کی درخواست پر سیشن کورٹ نے 21 اگست کو میہڑ پولیس سے رپورٹ طلب کرلی۔

دوسری جانب پولیس کا کہنا ہے کہ خاتون کے الزامات کی تحقیقات جاری ہیں۔