اقبال آفریدی کی خاتون کے لباس پر تنقید، ترجمان سندھ حکومت کا ردعمل سامنے آگیا

16 اگست ، 2024

قومی اسمبلی کی قائمہ کمیٹی میں اقبال آفریدی کے خاتون کے لباس پر تنقید کے معاملے پر سندھ حکومت کے ترجمان ارسلان اسلام شیخ کا ردعمل سامنے آگیا۔

بیرسٹر ارسلان اسلام شیخ کا کہنا ہے کہ ہمارے معاشرے میں خواتین کو مکمل آزادی حاصل ہے، خاتون کے لباس میں ایسا کچھ نہیں جس پر اعتراض کیا جائے۔

ترجمان سندھ حکومت نے کہا کہ اقبال آفریدی کا اعتراض سمجھ سے باہر ہے، اقبال آفریدی اپنی نگاہوں کا خیال رکھیں۔

بیرسٹر ارسلان اسلام شیخ نے مزید کہا کہ اقبال آفریدی اپنے عمل پر خاتون سے معذرت کریں۔

واضح رہے کہ پاکستان تحریک انصاف (پی ٹی آئی) کے رکن قومی اسمبلی محمد اقبال آفریدی نے خاتون کے لباس پر اعتراض اٹھایا تھا۔

قومی اسمبلی کی قائمہ کمیٹی کے اجلاس میں اقبال آفریدی نے خاتون کے لباس پر اعتراض اتھایا تو چیئرمین کمیٹی محمد ادریس نے رکن قومی اسمبلی کے رویے پر خاتون سے معذرت کی۔

قومی خبریں سے مزید