شکیل خان کو گڈ گورننس کمیٹی کی سفارشات پر ہٹایا گیا، ترجمان وزیراعلیٰ

وزیراعلیٰ خیبر پختونخوا کے ترجمان نے سابق صوبائی وزیر شکیل خان سے متعلق وضاحتی بیان جاری کیا ہے۔

پشاور سے جاری بیان میں وزیراعلیٰ علی امین گنڈاپور کے ترجمان نے کہا کہ 15 اگست کو شکیل خان کو گڈ گورننس کمیٹی کی سفارشات پر ہٹایا گیا۔

اگلے ہفتے بانی پی ٹی آئی سے ملاقات کروں گا، شکیل خان

خیبرپختونخوا کابینہ سے برطرف کیے گئے رکن صوبائی اسمبلی شکیل خان نے اگلے ہفتے بانی چیئرمین پاکستان تحریک انصاف ( پی ٹی آئی) سے ملاقات کرنے کا اعلان کردیا۔

انہوں نے کہا کہ شکیل خان نے 16 اگست کو اپنا استعفیٰ وزیراعلیٰ خیبر پختونخوا کو پیش کیا۔

وزیراعلیٰ کے ترجمان نے مزید کہا کہ شکیل خان نے استعفیٰ دینے کے ساتھ ہی حکومت پر الزامات لگائے۔

اُن کا کہنا تھا کہ شکیل خان استعفے سے تاثر دے رہے تھے کہ جیسے انہوں نے صوبائی وزارت سے احتجاجاً استعفا دیا ہو۔