مریم نور کے گھر بیٹے کی پیدائش، نام بھی بتا دیا

پاکستان شوبز انڈسٹری کی باصلاحیت ماڈل و اداکارہ مریم نور کے یہاں پہلے بچے کی پیدائش ہوئی ہے، جس کا اعلان انہوں نے گزشتہ روز کیا۔

فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے اپنی چند دلکش تصاویر شیئر کرتے ہوئے بیٹے کی پیدائش سے مداحوں کو آگاہ کیا اور اس کا نام بھی بتا دیا۔

اداکارہ نے انسٹا پوسٹ میں بچے کی پیدائش سے قبل کروایا گیا فوٹو شوٹ شیئر کیا، جس میں انہوں نے سفید میکسی زیب تن کر رکھی ہے۔

سوشل میڈیا پر شیئر کی گئی تصاویر میں اداکارہ جاذبِ نظر آ رہی ہیں، انہوں نے پوسٹ کے کیپشن میں اپنے چاہنے والوں کے ساتھ اس خوش خبری کو شیئر کرتے ہوئے بیٹے کا نام بھی بتایا۔

مریم نور کے ہاں جَلد ننھے مہمان کی آمد متوقع

پاکستان شوبز انڈسٹری کی اداکارہ مریم نور نے اپنے ہاں جَلد ننھے مہمان کی آمد کا اعلان کردیا۔

انہوں نے پوسٹ کے کیپشن میں لکھا کہ میرے باغ کا سب سے قیمتی پھول کھل گیا ہے، ہم اپنے اس چھوٹے اور پیارے بیٹے کو خوش آمدید کہتے ہیں، جس کا نام ’نائل اسماعیل‘ ہے۔

اداکارہ نے اپنے اہلِ خانہ اور چاہنے والوں کی انسٹا اسٹوریز کو بھی ری شیئر کیا ہے جن میں اداکارہ کو اسپتال میں دیکھا جا سکتا ہے جبکہ ایک تصویر میں ان کے ننھے بیٹے کو بھی دیکھ سکتے ہیں۔

انسٹا پوسٹ میں انہوں نے بیٹے کی نعمت ملنے پر اللّٰہ تعالیٰ کا شکر بھی ادا کیا ہے جبکہ مداحوں اور ساتھی فنکاروں کی جانب سے اداکارہ اور ان کے اہلِ خانہ کے لیے مبارک باد، دعاؤں اور نیک خواہشات کا سلسلہ جاری ہے۔