فیصل آباد: سوتیلی ماں اور سگے باپ کا 12 سالہ بچی پر بدترین تشدد

فیصل آباد کی تحصیل ماموں کانجن میں سوتیلی ماں نے سگے باپ  کے ساتھ مل کر 12سالہ بیٹی کو بدترین تشدد کا نشانہ بنا ڈالا۔

پولیس کا کہنا ہے کہ میڈیکل رپورٹ میں بھی بچی پر تشدد کی تصدیق ہوگئی ہے۔

متاثرہ بچی نے بتایا کہ قلفی خریدنے کے لیے گندم بیچنے پر سوتیلی ماں نے استری سے جسم جلا دیا۔

پولیس کا کہنا ہے کہ متاثرہ بچی کے نانا کی مدعیت میں سوتیلی ماں اور والد کے خلاف مقدمہ درج کر لیا گیا ہے۔

پولیس کا کہنا ہے کہ ملزمان کی گرفتاری کے لیے کوشش جاری یے۔