مردان ( نمائندہ جنگ) گڑیالہ میں سسرالیوں نے زبانی تکرار پرچھ ماہ کی دلہن پر تیزاب چھڑک دیا،3 دن تک موت اورزندگی کی کشمکش کے بعد سترہ سالہ دلہن نے سسک سسک کر جان دے دی تھانہ شہبازگڑھی پولیس میں رپورٹ درج کراتے ہوئے محب بانڈہ کے رہائشی عبداللہ نے بتایاہے کہ اس کی سترہ سالہ بہن مسماۃ (ع )کی شادی چھ ماہ قبل گڑیالہ کے رہائشی سجادسے ہوئی تھی گذشتہ روزگھریلو تنازعے پر اس کی سسرالیوں سے تکرارہوئی جس پراس کے سسر سیدکریم نے بیوی اور بیٹی سے مل کر مبینہ طورپرمسماۃ (ع )پر تیزاب پھینک کر زخمی کرڈالا بعدازاں اطلاع ملتے ہی لڑکی کے والدین نے زخمی حالت میں اسے ہسپتال شفٹ کردیا جہاں وہ تین دن تک موت اور زندگی کی کشمکش میں رہی تاہم گذشتہ روز وہ زخموں کی تاب نہ لاتے ہوئے چل بسی پولیس کے مطابق مقتولہ کا شوہر محنت مزدوری کی عرض سے بیرون ملک مقیم ہے آخری اطلاعات تک کسی قسم کی گرفتار ی عمل میں نہیں لائی گئی تھی ۔
فرمان الہی
نماز کے اوقات
