دوسرے ٹیسٹ کی وکٹ بیٹنگ کیلئے مدد گار نہیں، لٹن داس

01 ستمبر ، 2024

بنگلادیش کرکٹ ٹیم کی طرف سے دوسرے ٹیسٹ میچ کی پہلی اننگز کے سنچری میکر لٹن داس نے کہا ہے کہ دوسرے ٹیسٹ کی وکٹ بیٹنگ کو مدد نہیں کر رہی ہے۔

راولپنڈی میں کھیلے جارہے میچ کے تیسرے دن کے اختتام پر میڈیا سے گفتگو میں لٹن داس نے اعتراف کیا کہ ابتدا میں صرف 26 رنز پر 6 کھلاڑی آؤٹ ہوئے تو کچھ دباؤ ضرور تھا۔

انہوں نے مزید کہا کہ مہدی حسن میراز نے مثبت سوچ کے ساتھ بیٹنگ کی اور پاکستانی بولنگ لائن کا دباؤ کم کیا۔

بنگلادیشی سنچری میکر نے یہ بھی کہا کہ پہلے ٹیسٹ میں پچ بیٹنگ کو مدد کر رہی تھی، دوسرے ٹیسٹ کی پچ ایسی نہیں ہے۔

واضح رہے کہ پاکستان بنگلادیش ٹیسٹ سیریز کے دوسرے میچ کی پہلی اننگز میں لٹن داس نے 228 گیندوں پر 138 رنز کی باری کھیلی اور ٹیم کو مشکل ترین صورتحال سے باہر نکل دیا۔

لٹن داس اپنی اننگز کے دوران 13 چوکے اور 4 چھکے لگائے۔ انہوں نے مہدی حسن میراز کے ساتھ 7ویں وکٹ پر 165 رنز کی شراکت بھی قائم کی۔

کھیلوں کی خبریں سے مزید