2024 میں دو، تین نئے گیت تیار کیے ہیں، شبانہ و شازیہ کوثر

انور مقصود کے مقبول پروگرام سلور جوبلی سے شہرت حاصل کرنے والی گلوکارہ بہنیں بینجمن سسٹرز کے بعد شبانہ کوثر اور شازیہ کوثر نے موسیقی دنیا میں بےپناہ شہرت حاصل کی۔

انہوں نے بتایا کہ اب 2024 میں دو تین نئے گیت تیار کیے ہیں جس کی ویڈیوز شوٹ کی جارہی ہے۔ موسیقی کو اب سننے سے زیادہ دیکھا جاتا ہے۔ سوشل میڈیا کا زمانہ ہے۔

شبانہ کوثر اور شازیہ کوثر نے ایک ملاقات میں بتایا کہ ہم نے 40 کے قریب پاکستانی فلموں کےلیے گانے گائے۔ بہترین پلے بیک سنگر کا نِگار ایوارڈ بھی حاصل کیا۔

گیت ’او صنم‘ فلم ’چور مچائے شور‘ میں اداکارہ ریما پر فلمایا گیا تھا، جس نے بہت مقبولیت حاصل کی۔

سجاد علی نے اپنے گانے کی فرمائش شبانہ کوثر سے کیوں کی؟

بین الاقوامی شہرت یافتہ گائیک سجاد علی نے ایک شو میں گلوکارہ شبانہ کوثر سے اپنے ہی گیت کی فرمائش کردی۔

انہوں نے ایک سوال کے جواب میں بتایا کہ ہم دونوں بہنیں دنیا کے درجنوں ممالک میں شوز کرچکے ہیں۔ بھارتی نامور گلوکار سونو نِگم کے ساتھ بھی شوز کیے جبکہ ساجد واجد، شریا گھوشل اور کمار سانو کے ساتھ بھی پرفارم کیا۔

ان کا مزید کہنا تھا کہ ہمارا ایک گیت ’زندگی کو گزارنے کےلیے تم سے ملنا بہت ضروری ہے‘ بھارت کی فلموں میں کاپی کیا گیا۔ یہ گانا ہم نے اور شفیق رحمان نے گایا تھا۔

امید ہے نئے گیت موسیقی کے دیوانوں کا دل جیت لیں گے، گلوکارہ شبانہ کوثر اور شازیہ کوثر

شبانہ کوثر اور شازیہ کوثر گزشتہ روز اپنے گانے کی ویڈیو شوٹنگ کے موقع پر میڈیا سے گفتگو کر رہی تھی۔

گلوکارہ بہنوں کا کہنا تھا کہ ہم دونوں بہنوں کو پہچاننے میں اکثر مداح دھوکا کھا جاتے ہیں۔ شبانہ کو شازیہ اور شازیہ کو شبابہ کہہ کر مخاطب کرتے ہیں۔

دونوں بہنوں میں سے آج شبانہ کوثر آج اپنی سالگرہ منارہی ہیں۔