شگفتہ اعجاز نے شادی کی سالگرہ اسپتال میں منائی

پاکستانی شوبز انڈسٹری سے وابستہ سینئر اداکارہ شگفتہ اعجاز نے زیرِ علاج شوہر کے ہمراہ اسپتال میں شادی کی سالگرہ منا کر بہتان تراشی کرنے والوں کو خاموش کر وا دیا۔

کچھ عرصہ قبل سینیئر اداکارہ نے بیرونِ ملک کا دورہ کرنے پر تنقید و بہتان لگانے والے سوشل میڈیا صارفین کو آڑے ہاتھوں لیا تھا اور کہا تھا کہ بہتان لگانے والوں کو کبھی معاف نہیں کروں گی، ان کا گریبان قیامت کے دن پکڑوں گی۔

اب انہوں نے اپنے یوٹیوب چینل پر اسپتال میں زیرِ علاج شوہر کے کمرے سے نیا وی لاگ شیئر کیا ہے، جس میں انہیں اپنی شادی کی سالگرہ مناتے ہوئے دیکھا جا سکتا ہے۔

شگفتہ اعجاز دوسری شادی کرنے سے کیوں ڈر رہی تھیں؟

پاکستان شوبز انڈسٹری سے وابستہ سینیئر اداکارہ شگفتہ اعجاز نے انکشاف کیا ہے کہ اپنے دوسرے شوہر یحییٰ صدیقی کی جانب سے شادی کی پیشکش کے 2 برس بعد ان سے شادی کے لیے رضامندی ظاہر کی کیونکہ مجھے ڈر تھا۔

وی لاگ میں دیکھا جا سکتا ہے کہ شگفتہ اعجاز اور ان کے شوہر یحییٰ کی شادی کی سالگرہ کے موقع پر ان کی بیٹی ایمان اسپتال میں کیک لائیں جو انہوں نے اپنے اہلِ خانہ اور دوستوں کے ساتھ مل کر کاٹا اور مصروف زندگی کے چند خوشی کے لمحوں کو یادوں میں محفوظ کر لیا۔

اس کے ساتھ ہی وی لاگ کے اگلے حصے میں سینئر اداکارہ نے نجی اسپتال کی ناکافی سہولتوں پر شکوہ بھی کیا اور مداحوں سے شوہر کی مکمل صحت یابی کے لیے دعا کی درخواست بھی کی ہے۔

بہتان تراشی کرنے والوں کو معاف نہیں کروں گی، انکا گریبان قیامت کے دن پکڑوں گی: شگفتہ اعجاز

پاکستانی شوبز انڈسٹری سے وابستہ سینیئر اداکارہ شگفتہ اعجاز نے بہتان تراشی کرنے والوں کو کبھی معاف نہ کرنے کا تہیہ کرتے ہوئے آبدیدہ ہوگئیں۔

خیال رہے کہ شگفتہ اعجاز کے شوہر یحییٰ صدیقی 5 برسوں سے کینسر میں مبتلا ہیں اور نجی اسپتال میں زیرِ علاج ہیں۔

شگفتہ اعجاز نے یحییٰ صدیقی سے چند برس قبل شادی کی تھی، یہ ان دونوں کی دوسری شادی ہے اور ان دونوں کے پہلی شادی سے دو دو بچے ہیں جبکہ ان دونوں کی دو بیٹیاں بھی ہیں۔