افغانستان: داعش کا حملہ، 14 شہری جاں بحق، 6 زخمی

افغانستان میں مسلح افراد کی فائرنگ سے 14 شہری جاں بحق ہو گئے۔

غیر ملکی میڈیا کی رپورٹس کے مطابق افغان وزارتِ داخلہ کے ترجمان کا کہنا ہے کہ صوبہ دائی کنڈی میں مسلح افراد کے حملے میں متعدد شہری جاں بحق اور کئی زخمی ہوئے ہیں۔ 

افغان وزارتِ داخلہ کے ترجمان کا یہ بھی کہنا ہے کہ حملے کے بارے میں مزید تفصیلات بعد میں جاری کی جائیں گی۔

افغان نیوز ایجنسی کی رپورٹس کے مطابق واقعے میں 14 شہری جاں بحق اور 6 زخمی ہوئے ہیں۔

عرب میڈیا کے مطابق داعش نے اس حملے کی ذمے داری قبول کی ہے۔

افغان نیوز ایجنسی کے مطابق طالبان کے اقتدار میں آنے کے بعد یہ صوبہ دائی کنڈی میں شہریوں پر پہلا حملہ ہے۔