فرمان الہی
نماز کے اوقات
سعودی عرب سے کراچی آنے والے مسافر کو منکی پاکس کی علامات کے شبہے میں انفیکشن ڈیزیز اسپتال منتقل کردیا گیا۔
ایئرپورٹ ذرائع کے مطابق سعودی عرب سے آنے والے مسافر کی محکمہ صحت کے عملے نے کراچی ایئرپورٹ پر اسکریننگ کی۔
ذرائع کے مطابق اسکریننگ کے دوران مسافر شمشیر علی میں منکی پاکس کی علامات پائی گئیں، جس کے بعد انہیں سندھ حکومت کے انفیکشن ڈیزیز اسپتال منتقل کیا گیا ہے۔
ایئرپورٹ ذرائع کے مطابق مسافر شمشیر کا تعلق رحیم یار خان سے ہے، دوسری طرف مسافر کے منکی پاکس علامات پر سعودی ایئرلائن کے طیارے کو ڈس انفیکٹ کیا گیا۔
ذرائع کے مطابق ہیلتھ امیگریشن کاؤنٹر اور کنوینر بیلٹ کو بھی اسپرے کرکے ڈس انفیکٹ کردیا گیا۔
