’میں لٹ گیا‘، بادشاہ نے اپنی ناکامی کا اعتراف کرلیا

بھارت کے معروف ریپر اور گلوکار بادشاہ نے انکشاف کیا کہ انہیں اپنے میوزک چینل اور برانڈ شروع کرنے میں ناکامی کا سامنا کرنا پڑا۔ 

حال ہی میں اپنے ایک انٹرویو کے دوران بادشاہ نے ایم ٹی وی کے ساتھ اپنے تنازع کے بعد اپنے میوزک چینل ’آہو‘ شروع کرنے سے متعلق بات کی اور بتایا کہ انہوں نے انا کی وجہ سے اسے لانچ کیا تھا۔

بادشاہ نے کہا کہ "میری ایم ٹی وی سے پلیسمنٹ کے حوالے سے لڑائی ہوئی تھی، تو میں نے انا میں آکر اپنا ٹیلی ویژن چینل لانچ کرنے کا فیصلہ کیا جس کا مقصد ایم ٹی وی کو پیچھے چھوڑنا تھا۔ ہم نے ٹی آر پی کے معاملے میں انہیں مات دی، لیکن میں لٹ گیا۔"

ہنی سنگھ کو دوبارہ کامیاب ہوتا دیکھ کر بہت خوشی ہوئی، بادشاہ

بادشاہ اور ہنی سنگھ کے درمیان اختلافات کوئی ڈھکی چھپی بات نہیں لیکن اب لگتا ہے کہ بادشاہ ان اختلافات کو بھلا کر آگے بڑھنا چاہتے ہیں۔

بادشاہ کا یہ چینل آزاد گانوں کے ساتھ ساتھ زیادہ تر علاقائی ٹیلنٹ کو فروغ دیتا تھا لیکن آخر کار اسے بند کر دیا گیا۔

اس کے علاوہ بادشاہ نے اپنے مختصر فارماسیوٹیکل کاروبار کا بھی ذکر کیا، جہاں انہوں نے پیراسیٹامول اور اینٹی بایوٹکس فروخت کیں، لیکن یہ منصوبہ بھی مالی طور پر کامیاب نہیں رہا۔

بادشاہ کا کہنا تھا کہ انہوں نے اب دہلی اور ممبئی میں کئی کلبز اور ریسٹورنٹ کھولے ہیں۔