ہاکی کے فروغ کیلئے پاکستان اسپورٹس بورڈ کا اہم قدم

قومی کھیل ہاکی کے فروغ کےلیے پاکستان اسپورٹس بورڈ (پی ایس بی) نے اہم قدم اٹھالیا۔

ایشین چیمپئنز ٹرافی میں حصہ لینے کےلیے پی ایس بی نے پاکستان ہاکی ٹیم کے لیے 23 ملین روپے کے فنڈز جاری کردیے۔ ان فنڈز کو ٹیم کی اچھی کارکردگی اور بین الاقوامی سطح پر کامیابی کو یقینی بنانے کےلیے اہم قرار دیا جارہا ہے۔ 

بجٹ ایشو پر پی ایس بی کی غلط فہمیاں جلد دور کردیں گے، ہاکی فیڈریشن

پی ایس بی اور وزارت کھیل نے ہمیشہ تعاون کیا، مل کر چلنا چاہتے ہیں، ترجمان پی ایچ ایف

واضح رہے کہ پی ایس بی اور وزارت بین الصوبائی رابطہ ہاکی کے عالمی مقابلوں کے لیے ہمیشہ سے مالی معاونت کرتا آرہا ہے۔

گزشتہ چھ ماہ میں پی ایچ ایف کو عالمی مقابلوں کےلیے 9 کروڑ 66 لاکھ 50 ہزار روپے کے خصوصی فنڈز جاری کیے گئے ہیں، جو ہاکی کی ترقی کےلیے پی ایس بی کی گہری دلچسپی کو ظاہر کرتا ہے۔

یہ مالی امداد پی ایس بی کی ہاکی کے فروغ اور پاکستان کے کھلاڑیوں کو بین الاقوامی سطح پر مسابقتی ماحول فراہم کرنے کی سنجیدہ کوششوں کا ایک اور ثبوت ہے۔