اسرائیل نے تمام سرخ لکیریں پار کرلیں، حسن نصراللّٰہ

حزب اللّٰہ کے سربراہ حسن نصراللّٰہ نے کہا کہ  اسرائیل نے تمام سرخ لکیریں پار کرلی ہیں۔ دو روز کے دوران ہونے والے حادثات نے حالات کو نیا رخ دے دیا۔ 

مواصلاتی آلات کے دھماکوں کے بعد بیروت میں پہلے خطاب میں حزب اللّٰہ کے سربراہ نے کہا کہ گزشتہ دو روز میں مواصلاتی آلات کے دھماکوں سے اسپتالوں پر دباؤ بڑھ گیا، مواصلاتی آلات دھماکوں میں زخمی ہونے والوں کی تعداد انتہائی زیادہ ہے۔ اسرائیل نے ایک منٹ میں 4 ہزار سے زائد افراد کو قتل کرنے کا منصوبہ بنایا تھا۔

دو روز میں مواصلاتی آلات میں دھماکوں سے37 افراد جاں بحق ہوئے، لبنانی وزیر صحت

لبنانی وزیر صحت فراس الابیض نے کہا کہ دو روز میں مواصلاتی آلات میں دھماکوں سے 37 افراد جاں بحق ہوئے۔

حزب اللّٰہ کے سربراہ نے کہا کہ اسرائیل نے ہزاروں افراد کو قتل کرنے کےلیے مواصلاتی آلات استعمال کیا، اسرائیل نے مواصلاتی آلات دھماکوں کے ذریعے جنگ کا اعلان کر دیا ہے۔

انھوں نے کہا کہ گزشتہ دو روز کےدوران واقعات سے حالات کا از سر نو جائزہ لینا چاہیے، دشمن نے حزب اللّٰہ کو انتہائی بڑا نقصان پہنچایا، اسرائیل نے معصوم شہریوں کو نشانہ بنایا۔

حسن نصراللّٰہ نے حملوں کے متاثرین سے تعزیت اور ہمدردی کا اظہار کیا اور کہا کہ لبنان کے عوام بالخصوص طبی عملے اور خون کے عطیات دینے والوں کے شکر گزار ہیں۔

اسرائیلی فوجی سربراہ کی حزب اللّٰہ کو دھمکی

ان کا کہنا تھا کہ مرحلہ وار آگے بڑھ رہے ہیں، ہر مرحلے پر حزب اللّٰہ کو بڑی قیمت ادا کرنی ہوگی۔

انہوں نے کہا کہ مارکیٹ، بازار اور اسپتال کچھ بھی اسرائیل کی دہشتگردی سے نہ بچ سکے۔ اسرائیلی حملے بڑی دہشتگردی اور نسل کشی کے مترادف ہیں۔

حزب اللّٰہ کے سربراہ نے کہا کہ اسرائیلی حملے لبنان کی خود مختاری پر حملہ اور جنگ کے اعلان کے مترادف ہے، مواصلاتی آلات دھماکوں سے نقصان پہنچا لیکن یہ ہمارے حوصلے پست نہیں کرسکتے۔

واضح رہے کہ لبنان میں اتوار اور گذشتہ روز اسرائیل کی جانب سے مواصلاتی آلات میں دھماکوں سے 37 افراد جاں بحق ہوئے تھے۔

لبنانی وزیر صحت کے مطابق مواصلاتی آلات کے دھماکوں میں 3 ہزار 539 افراد زخمی بھی ہوئے۔