-
فرمان الہی
-
نماز کے اوقات
- جمعرات 21؍ربیع الاول 1446ھ 26؍ستمبر 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
بانیٔ پاکستان پیپلز پارٹی و سابق وزیرِ اعظم ذوالفقار علی بھٹو کے پوتے، ذوالفقار علی بھٹو جونیئر نے والد مرتضیٰ بھٹو کی سالگرہ کے موقع پر سوشل میڈیا پر پوسٹ شیئر کی ہے۔
ذوالفقار علی بھٹو جونیئر نے انسٹاگرام پر اپنے والد میر مرتضیٰ بھٹو کی 3 یادگار تصویریں شیئر کی ہیں۔
انہوں نے اس پوسٹ کے کیپشن میں اپنے مجروح جذبات کا اظہار کرتے ہوئے لکھا ہے کہ پاپا کو ہم سے جدا ہوئے 28 سال ہو گئے، 70 کلفٹن کے باہر سڑک پر 7 آدمیوں کو خون بہانے کے لیے چھوڑ دیا گیا تھا۔
یاد رہے کہ 2 روز قبل سابق وزیرِ اعظم ذوالفقار علی بھٹو شہید کی پوتی و مصنفہ فاطمہ بھٹو نے بھی اپنے مرحوم والد مرتضیٰ بھٹو کی سالگرہ کے موقع پر ایک پوسٹ سوشل میڈیا پر شیئر کی تھی۔
فاطمہ بھٹو نے اپنے والد کی 70 ویں سالگرہ کے موقع پر بچپن کی ایک یادگار تصویر شیئر کرتے ہوئے پوسٹ کے کیپشن میں لکھا تھا کہ میرے پیارے پاپا کو 70 ویں سالگرہ مبارک! آپ کو 42 سال کی عمر میں ہم سے بہت چھوٹی عمر میں چھین لیا گیا تھا۔
یاد رہے کہ مرتضیٰ بھٹو پاکستان کے سابق وزیرِ اعظم ذوالفقار علی بھٹو کے بیٹے تھے، مرتضیٰ بھٹو کے 2 بچے فاطمہ بھٹو اور ذوالفقار علی بھٹو جونیئر ہیں۔
