نظامِ شمسی میں 80 ہزار سال بعد دم دار ستارے کی واپسی

نظامِ شمسی میں 80 ہزار سال بعد دم دار ستارے سوچن شان ایٹلس (A3) کی آمد ہوئی ہے۔

سوچن شان ایٹلس (A3) کو گزشتہ سال 9 جنوری کو چین کی پرپل ماؤنٹین آبزرویٹری نے دریافت کیا تھا۔

سائنسدانوں کے مطابق یہ دم دار ستارہ ہمارے نظامِ شمسی کے مضافات سے چکر لگاتے ہوئے 80 ہزار سال بعد دوبارہ نظامِ شمسی میں داخل ہوا ہے۔

سائنسدانوں نے یہ بھی بتایا ہے کہ یہ دم دار ستارہ سورج کے قریب تر ہے، اس لیے اس کی روشنی اپنے عروج پر ہے اور ستمبر کے آخر سے اکتوبر کے وسط تک انسانی آنکھ سے اس کا نظارہ کرنا ممکن ہے۔

کیا زمین کے گرد چکر لگاتے دوسرے چاند کو انسانی آنکھ سے دیکھنا ممکن ہو گا؟

جلد ہی ہمارے سیارے زمین کو ایک اور چاند ملنے والا ہے لیکن یہ پہلے چاند سے بہت مختلف ہو گا۔

سائنسدانوں کے مطابق سب سے پہلے یہ دم دار ستارہ جنوبی نصف کرے سے سفر کرتے ہوئے شمال کی جانب بڑھا، شمالی نصف کرے میں یہ مشرقی یا پھر جنوب مشرقی افق میں 28 ستمبر سے 2 اکتوبر کے درمیان صبح کے وقت طلوعِ آفتاب سے قبل نظر آئے گا۔

سائنسدانوں نے بتایا ہے کہ 3 اکتوبر کے بعد یہ دم دار ستارہ سورج کی طرف نیچے کی جانب جانا شروع کر دے گا اور پھر جب 12 اکتوبر کو یہ زمین کے بہت زیادہ قریب آ جائے گا تو شام کے وقت آسمان پر نظر آئے گا۔

پاکستان سمیت دنیا بھر میں بہت سے لوگ اس دم دار ستارے کا نظارہ کرنے کی اطلاع دے چُکے ہیں۔