فرمان الہی
نماز کے اوقات
معروف امریکی کمپنی ٹیسلا اور اسپیس ایکس کے بانی ایلون مسک کی روبوٹ سے بال کٹواتے ویڈیو سوشل میڈیا پر وائرل ہو رہی ہے۔
فوٹو اینڈ ویڈیو شیئرنگ ایپ انسٹاگرام پر ٹیکنو فائل نامی ایک پیج پر ایک حیرت انگیز ویڈیو شیئر کی گئی ہے جس میں روبوٹ کو ایلون مسک کے بال کاٹتے دیکھا جا سکتا ہے۔
روبوٹ ویڈیو میں ناصرف انسانوں کی طرح مہارت سے بال کاٹتے ہوئے بلکہ ان کے ساتھ خوش گوار انداز میں گفتگو کرتے ہوئے بھی نظر آ رہا ہے۔
یہ ویڈیو شیئر کرتے ہوئے کیپشن میں لکھا گیا ہے کہ تصور کریں کہ آپ سیلون جائیں اور وہاں انسان کے بجائے ایک روبوٹ آپ کے زبردست انداز میں بال کاٹے۔
کیپشن میں روبوٹ کے بارے میں لکھا ہے کہ یہ ٹیسلا کا بہترین روبوٹ ہے جو کاموں کو خودکار بنانے اور صنعتوں میں انقلاب لانے کے لیے ڈیزائن کیا گیا ہے۔
صارفین کو تجسس میں مبتلا کرنے کے بعد کیپشن کے آخر میں بتایا گیا کہ یہ ویڈیو اصلی نہیں ہے بلکہ اے آئی کی مدد سے بنائی گئی ہے۔
سوشل میڈیا صارفین کی جانب سے اس ویڈیو کو بہت پسند کیا جا رہا ہے اور اس پر دلچسپ تبصرے بھی کیے جا رہے ہیں۔
