کراچی: ڈکیتی مزاحمت پر ایک اور نوجوان کا قتل

کراچی میں ڈکیتی مزاحمت پر ایک اور نوجوان کا قتل کر دیا گیا۔

سرجانی ٹاؤن میں تنخواہ لے کر گھر جانے والے دو بھائیوں کو ملزمان نے اسلحے کے زور پر لوٹ لیا، موٹرسائیکل نہ دینے پر فائرنگ کر دی۔

ملزمان کی فائرنگ سے ایک بھائی جاں بحق ہو گیا۔

کراچی، اورنگی ٹاؤن میں ڈکیتی مزاحمت پر شہری جاں بحق

کراچی کے علاقے اورنگی ٹاؤن میں ڈکیتی میں مزاحمت پر ایک شہری جاں بحق اور ایک زخمی ہوگیا، شہریوں کے تشدد سے ایک ڈاکو بھی مارا گیا۔

مقتول کے بھائی نے سرد خانے کے باہر میڈیا سے گفتگو کرتے ہوئے کہا ہے کہ موٹر سائیکل سوار 2 ملزمان نے اسلحے کے زور پر ہم سے رقم چھینی۔

انہوں نے بتایا کہ موٹر سائیکل نہ دینے پر ملزمان نے فائرنگ کی اور فرار ہو گئے، ہم فیکٹری میں کام کرتے ہیں، تنخواہ لے کر گھر جا رہے تھے۔

مقتول کے والد شبیر کا کہنا ہے کہ ملزمان نے دونوں بھائیوں سے 80 ہزار روپے چھینے، علاقے میں لوٹ مار کی وارداتیں روز کا معمول ہے۔