کسی سے ملنے پر سوچتی ہوں کیا یہ شخص میرے بچوں کیلئے صحیح رہے گا؟ حاجرہ یامین

پاکستانی شوبز انڈسٹری سے وابستہ معروف اداکارہ حاجرہ یامین نے حالیہ انٹرویو میں جیون ساتھی کی خوبیوں سے متعلق کھل کر بات کی ہے۔

حال ہی میں اداکارہ نے ایک پوڈکاسٹ میں بطور مہمان شرکت کی، جہاں انہوں نے اپنے کیریئر کے ساتھ ساتھ نجی زندگی اور مختلف امور کے حوالے سے اپنے خیالات کا اظہار کھل کر کیا ہے۔

دورانِ گفتگو ایک سوال کا جواب دیتے ہوئے انہوں نے اپنی شادی اور اس سے منسلک منصوبہ بندی سے آگاہ کیا۔

انہوں نے بتایا کہ فی الحال شادی سے متعلق نہیں سوچ رہی، شادی بعد کی بات ہے، پہلے کوئی ایسا انسان ملے جس کے ساتھ زندگی گزاری جا سکے۔

انہوں نے کہا کہ وقت کے ساتھ انسان اور چیزیں تبدیل ہو جاتی ہیں، اس لیے اب جب کسی مرد سے ملتی ہوں تو ذہن میں پہلا سوال یہی آتا ہے کہ کیا یہ شخص میرے بچوں کے لیے صحیح رہے گا یا نہیں؟

اداکارہ نے یہ واضح کیا کہ فی الحال میں نے شادی کے لیے کسی کو تلاش نہیں کر رکھا لیکن جب کبھی کسی سے ملاقات ہوتی ہے تو فطری طور یہ خیال نہیں آتا کے سامنے والا اچھا شوہر ثابت ہو گا۔

ہاجرہ یامین نے نوجوان لڑکیوں کو کون سا اہم مشورہ دیا؟

پاکستان شوبز انڈسٹری سے وابستہ معروف اداکارہ ہاجرہ یامین نے نوجوان لڑکیوں کو اہم مشورہ دے دیا۔

واضح رہے کہ ہاجرہ یامین ایک باصلاحیت اداکارہ ہیں، انہوں نے متعدد پاکستانی ڈراموں میں اپنی غیر معمولی اداکاری کے سبب خوب تعریفیں سمیٹی ہیں۔

ہاجرہ یامین کے ڈرامہ سیریل جلن، محبت چھوڑ دی میں نے، تیری رضا، سیوَک اور شناس قابلِ ذکر ہیں۔

اداکارہ کے جیو ٹی وی پر نشر کیے جانے والے ڈرامہ سیریل ’محبت چھوڑ دی میں نے‘ کو ناظرین کی جانب سے بے حد پسند کیا گیا تھا۔