کراچی (اسٹاف رپورٹر) پہلی ابراہیم مرچنٹ رینکنگ ٹینس چیمپئن شپ میں پیر کو انڈر 17، انڈر 15 اور انڈر 13 کیٹیگریز میں بیشتر مقابلوں کا فیصلہ ہوگیا۔ جونیئر سنگلز انڈر 17 کیٹیگر ی میں امین شفیع، زبیر راجہ، طلحہ سہیل،نعمان آفتاب، پرباد کمار اور حسین فاروق کوارٹر فائنل میں پہنچ گئے، جونیئر سنگلز انڈر 17 کیٹیگر ی میں امین شفیع نے اسامہ محمود کی تین، صفر کے اسکور پر دستبرداری کی بدولت لاسٹ ایٹ رائونڈ میں جگہ بنالی۔ زبیر راجہ نے یہی کارنامہ نور مصطفی کو اسٹریٹ سیٹس میں چھ، ایک اور چھ، چار سے ہرا کر انجام دیا۔ طلحہ سہیل نے علی اظہر کیخلاف چھ، صفر اور چھ، ایک سے آسان فتح اپنے نام کی۔ نعمان آفتاب نے محمد دادا کو سخت مقابلے میں قابو کیا۔نعمان آفتاب نے پہلا سیٹ ٹائی بریکر پر سات، پانچ سے اپنے نام کیا تاہم دوسرے سیٹ میں محمد دادا کی مزاحمت چھ، ایک سے دم توڑ گئی۔ پرباد کمار نے احمد کو چھ، دو اور چھ، تین سے ہرایا جبکہ حسین فاروق نے اسامہ احمد کو چھ، دو اور چھ، ایک سے گھر واپسی کا ٹکٹ تھما کر کوارٹر فائنل میں رسائی حاصل کرلی۔ قبل ازیں کھیلے گئے انڈر 15 کیٹیگری کے مقابلوں میں وسیم گل، فرزان احمد، عبداللہ خان، احمد احتشام، قمبر حسنین، اشیش کمار اور فہد حیدر حریف کھلاڑیوں کو زیر کرکے دوسرے رائونڈ میں پہنچ گئے۔ انڈر 15 کیٹیگری کے پہلے رائونڈ میں اشیش کمار، حماد خان، سمیر، کامران خشالی اور ریناک رمیش نے کامیابی حاصل کرلی۔
فرمان الہی
نماز کے اوقات
