امریکا: مائل ہائی 360 اسکواش، 3 پاکستانی کھلاڑی سیمی فائنل میں پہنچ گئے

امریکا میں جاری مائل ہائی 360 اسکواش میں پاکستانی کھلاڑیوں کی شاندار کارکردگی جاری ہے۔

پاکستان کے عاصم خان، نور زمان اور اشعب عرفان سیمی فائنل میں پہنچ گئے ہیں۔

اشعب عرفان نے کوارٹر فائنل میں ٹاپ سیڈ کینیڈا کے ڈیوڈ بیلارگیون کو شکست دی، ان کی جیت کا اسکور 6۔11، 10۔12 اور 7۔11 رہا۔

دوسری جانب عاصم خان نے سیکنڈ سیڈ میکسیکو کے سیزار سالازار کو شکست دی، میکسیکن پلیئر عاصم کے خلاف 1۔2 سے خسارے کے بعد چوتھے گیم میں دستبردار ہو گئے۔

مہوش نے جونیئر اسکواش ٹائٹل جیت لیا

کراچی پاکستانی کھلاڑی مہوش علی نے نورڈک جونیئر...

عاصم کی کامیابی کا اسکور 10۔12، 2۔11، 7۔11 اور 0۔11 رہا۔

علاوہ ازیں نور زمان نے سیڈ نمبر 4 امریکا کے اسپینسر لووجوئے کو شکست دی، نور زمان کی کامیابی کا اسکور 8۔11، 2۔11، 11۔8 اور 6۔11 رہا۔

سیمی فائنل میں عاصم خان کا مقابلہ نور زمان سے ہوگا جبکہ اشعب عرفان سیمی فائنل میں انگلینڈ کے ٹام والش سے مقابلہ کریں گے۔