ٹیم میں متوقع تبدیلیوں پر چیئرمین پی سی بی کو بریفنگ

چیئرمین پی سی بی محسن نقوی کی زیرِ صدارت پی بی سی کی سلیکشن کمیٹی اور مینٹورز کا اجلاس ہوا ہے۔

 محسن نقوی نے پہلے مینٹورز سے علیحدہ میٹنگ کی اور پھر سلیکشن کمیٹی کے اراکین اور مینٹورز کے ساتھ مشترکہ ملاقات کی۔

اجلاس میں ٹیم کی حالیہ کارکردگی اور کھلاڑیوں کی فٹنس کا تفصیلی جائزہ لیا گیا۔

سلیکشن کمیٹی نے ٹیم میں متوقع تبدیلیوں سے چیئرمین پی سی بی کو آگاہ کیا۔

اجلاس میں نئے کھلاڑیوں کی کارکردگی جانچنے کا عمل رواں سیریز کے اختتام تک مکمل کرنے پر اتفاق کیا گیا۔

دوسرے ٹیسٹ کے لیے پاکستان کا دو اسپنرز کے ساتھ اترنے پر غور

ذرائع کے مطابق دوسرے ٹیسٹ میچ کے لیے ایک فاسٹ بولر یا ایک بیٹسمین میں سے ایک کو ڈراپ کیا جاسکتا ہے۔

چیئرمین پی سی بی محسن نقوی نے پچوں کا معیار بھی بہتر بنانے کی ہدایت کی ہے۔ 

سلیکشن کمیٹی کے اراکین عاقب جاوید، اظہر علی، علیم ڈار، حسن چیمہ، ایڈوائزر بلال افضل، ڈائریکٹر ڈومیسٹک عبداللّٰہ خرم نیازی، ڈائریکٹر ہائی پرفارمنس ندیم خان، مینٹورز شعیب ملک، مصباح الحق، وقار یونس اور ثقلین مشتاق نے اجلاس میں شرکت کی۔

مینٹور سرفراز احمد اور سلیکشن کمیٹی کے رکن اسد شفیق ویڈیو لنک کے ذریعے اجلاس میں شریک ہوئے۔