’ایک عہد تمام ہوا‘، بابا صدیق کی آخری سوشل میڈیا پوسٹ وائرل

بھارتی ریاست مہاراشٹرا کے سابق وزیر اور نیشنل کانگریس پارٹی کے رہنما بابا صدیق کی آخری سوشل میڈیا پوسٹ وائرل ہوگئی۔ 

بابا صدیق کو ہفتے کو انکے بیٹے ذیشان صدیق کے دفتر کے باہر گولی مار کر قتل کر دیا گیا تھا۔ انہوں نے اپنے قتل سے چند دن قبل انسٹا گرام پر اپنی آخری پوسٹ کی تھی۔ 

66 سالہ بابا صدیق اپنے سپورٹرز سے جڑے رہنے کے لیے بڑی پابندی اور سرگرمی کیساتھ سوشل میڈیا کا استعمال کیا کرتے تھے۔

بابا صدیق کا قتل لارنس بشنوئی گینگ نے کروایا؟

بھارتی ریاست مہاراشٹر کے سابق وزیر اور نیشنل کانگریس پارٹی (این سی پی) کے رہنما بابا صدیق کے قتل کے الزام میں ممبئی پولیس نے 2 افراد کو گرفتار کیا ہے۔

اپنے آخری سوشل میڈیا پوسٹ میں انہوں نے آنجہانی صعنت کار رتن ٹاٹا کو دل کو چھولینے والے الفاظ پر مبنی خراج عقیدت پیش کیا تھا۔ 

اس پوسٹ میں انہوں نے رتن ٹاٹا کی تصویر شیئر کرتے ہوئے عنوان میں تحریر کیا کہ ’ایک عہد تمام ہوا۔‘

واضح رہے کہ رتن ٹاٹا 9 اکتوبر کو 86 برس کی عمر میں چل بسے تھے۔