مقبوضہ کشمیر: ضلع گاندربل میں مسلح افراد کا حملہ، ڈاکٹر و 6 مزدور ہلاک، 5 زخمی

مقبوضہ کشمیر کے ضلع گاندربل میں نامعلوم مسلح افراد نے مزدوروں پر حملہ کیا ہے۔

کشمیر میڈیا سروس کے مطابق گاندربل میں ہوئے حملے میں ڈاکٹر سمیت 7 غیر کشمیری مزدور ہلاک جبکہ 5 زخمی ہو گئے۔

مقبوضہ کشمیر: جنگل میں حملہ، بھارتی فوجی ہلاک

مقبوضہ کشمیر کے ضلع ڈوڈہ میں حملے میں ایک بھارتی فوجی ہلاک ہو گیا۔

گاندربل میں حملہ زیڈ موڑ ٹنل منصوبے پر کام کرنے والے افراد پر ہوا ہے،حملے کے بعد بھارتی فورسز نے علاقے کا محاصرہ کر کے حملہ آوروں کی تلاشی شروع کر دی ہے۔

بھارتی میڈیا کے مطابق وزیرِ اعلیٰ مقبوضہ کشمیر عمر عبداللّٰہ نے ضلع گاندر بل میں حملے کی شدید مذمت کی ہے۔

جاری کیے گئے بیان میں ان کا کہنا ہے کہ گاندربل میں مزدوروں پر حملہ انتہائی افسوس ناک ہے۔