فرمان الہی
نماز کے اوقات
معروف گلوکار امانت علی کی کئی سال بعد بالی ووڈ کے دوستوں سے دبئی میں ملاقات ہوئی جن میں نامور میوزیک ڈائریکٹر سلیم مرچنٹ، شیکھر روجیانی، لیو ٹوین، گلوکار پاپون انکے علاوہ پاکستانی نامور گلوکارہ عابدہ پروین، فیصل کپاڈیہ سمیت دیگر شوبز شخصیات اس ملاقات میں موجود تھیں۔
ذرائع کے مطابق امانت علی کا میوزک ڈائریکٹر سلیم مرچنٹ، شیکھر روجیانی اور لیجنڈری گلوکارہ عابدہ پروین کے ساتھ نیا میوزک پروجیکٹ آ رہا ہے جس کا انتظار میوزک کی دنیا اور موسیقی کے دلدادہ افراد بے صبری سے کر رہے ہیں۔
گلوکار امانت علی بھارتی میوزک ڈائریکٹرز اور پروڈیوسرز کے ساتھ کافی عرصہ بعد کوئی میوزیک پروجیکٹ کر رہے ہیں جبکہ وہ ان دنوں امریکہ اور کینیڈا میں منعقدہ میوزیکل کنسرٹس میں بھی حصہ لے رہے ہیں۔
واضح رہے کہ امانت علی اب تک بےشمار میوزک ویڈیو البم ریلیز کرچکے ہیں جو ان کے یو ٹیوب چینل سمیت دیگر میوزک سائٹس پر موجود ہیں ان کے مشہور گانوں میں بہت دن ہوگئے، تجھ سے ناراض، خبر نہیں، یار من، اک ستم اور سمیت دیگر گیت و غزل شامل ہیں۔
فلم اور ٹی وی ڈراموں کے او ایس ٹی گانوں کے ساتھ ساتھ امانت علی نوحہ خوانی اور بہت سی نعتیں بھی ریکارڈ کروا چکے ہیں۔
یاد رہے کہ پاکستان کے مشہور گلوکار امانت علی کا نام کسی تعرف کا محتاج نہیں وہ نہ صرف وطن عزیز میں بلکہ ملک سے باہر بھی اپنی خوبصورت گائیگی کےلیے جانے جاتے ہیں۔
امانت علی کا تعلق فیصل آباد سے ہے، انہوں نے 2006 سے اپنے گائیکی کے سفر کا آغاز کیا۔ انہوں نے پاکستان اور بھارتی فلموں میں بحیثیت پلے بیک سنگر کام کیا اور مداحوں کی جانب سے خوب داد حاصل کی۔
