فرمان الہی
نماز کے اوقات
بلوچستان کے ضلع سبی کے قریب مسافر ویگن ٹرک سے ٹکرا گئی، پانچ مسافر جاں بحق جبکہ 13 زخمی ہوگئے، مسافر ویگن کوئٹہ سے جیکب آباد جارہی تھی۔
ریسکیو ذرائع کے مطابق کوئٹہ سے جیکب آباد جانے والی مسافر ویگن تیز رفتاری کے باعث ٹرالر کو اوور ٹیک کرتے ہوئےمٹھڑی کے مقام پر سامنے آنے والے ٹرک سے ٹکرا گئی۔
حادثے میں پانچ مسافر موقع پر جاں بحق جبکہ 13 زخمی ہوگئے، واقعہ کی اطلاع ملنے پر لیویز اور ایف سی اہلکار اور ریسکیو ٹیمیں موقع پر پہنچ گئیں۔
زخمیوں اور میتوں کو ڈسٹرکٹ اسپتال سبی منتقل کردیا گیا ہے جہاں ایمرجنسی نافذ کرکے ڈاکٹرز اور پیرا میڈیکل اسٹاف کو طلب کرلیا گیا ہے۔
ڈاکٹروں کے مطابق زخمیوں میں دو مسافروں کی حالت نازک بتائی جاتی ہے۔
