کراچی (اسٹاف رپورٹر) طلحہ سہیل اور حسان فاروق عمدہ کارکردگی کا مظاہرہ کرتے ہوئے ابراہیم مرچنٹ میموریل رینکنگ ٹینس چیمپئن شپ کے سیمی فائنل میں پہنچ گئے جبکہ حسان فاروق نے سخت مقابلے کے بعد زبیر راجہ کو شکست دیکر مینز سنگلز کے اگلے رائونڈ میں پہنچ گئے۔ کراچی کلب میں کھیلی جانے والی چیمپئن شپ کے انڈر 17 کے کوارٹر فائنل میں طلحہ سہیل نے امین شفیع کو 6-4 اور 7-6 سے جبکہ حسان فاروق نے زبیر راجہ کو 6-4 اور 6-4 سے شکست دیکر سیمی فائنل میں جگہ بنائی۔ مینز سنگلز کے پہلے رائونڈ میں حسان فاروق نے سخت مقابلے کے بعد رزبیر راجہ کو 2-6، 7-6 اور 6-3 سے شکست دی۔ دیگر مقابلوں میں طلحہ زبیر سرما والا نے حسان محمود کو، عباد سرور حسین نے احمر احسان کو، نادر بچانی نے شہریار شکیل کو، ایم نعمان آفتاب نے ونود داس کو، ٹاپ کھلاڑی عقیل خان نے مجاہد اللہ کو شکست دیکر دوسرے رائونڈ میں کھیلنے کا اعزاز حاصل کرلیا۔ انڈر 15 کے دوسرے رائونڈ میں امین شفیع نے عصیم گل کو، اشیش کمار نے اسامہ خان کو، مجاہد اللہ نے فہد خان حیدر کو اور زبیر راجہ نے فرحان خلیل کو شکست دی۔ انڈر 13 کے پہلے رائونڈ میں عبداللہ بن عتیق نے ابراہیم نعمان کو، انڈر 11 میں احمد بن شاہد نے حسان جمال کو اور باسم علی نے وارش خان کو شکست دی۔
فرمان الہی
نماز کے اوقات
